Benvido á Web da Fundación Xosé Neira Vilas   Click to listen highlighted text! Benvido á Web da Fundación Xosé Neira Vilas Powered By GSpeech

¡Atención! Este sitio usa cookies e tecnoloxías similares.

Se non cambia a configuración do seu navegador, vostede acepta o seu uso. Saber máis

Acepto

A Fundación Xosé Neira Vilas convoca a terceira edición do Premio Anisia Miranda de Teatro para a Infancia co apoio da Dirección Xeral de Cultura da Xunta de Galicia. Lógrase, deste xeito, atender a unha certa carencia que se viña observando no sistema literario galego no tocante a certames que impulsaran a creación de textos dramáticos para os nenos e nenas.

medalla anisia premio

Os orixinais, escritos en lingua galega, terán un máximo de 30.000 caracteres e deben enviarse ao enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo., seguindo as indicacións contidas nas bases para asegurar o anonimato das propostas. O prazo para o envío remata o 15 de abril e o acto de entrega terá lugar o 25 de maio.

Xa temos gañador do Premio Arume de Poesía para a Infancia: "Versos (a)variados", de Pablo Nogueira Campo
 
O xurado, composto por David Cortizo Conde, presidente de GALIX, Rosalía Morlán e Pilar Sampedro, en representación ambas da Fundación Xosé Neira Vilas, destacou a creatividade no uso e dominio do rexistro musical, o emprego de múltiples recursos lingüísticos e literarios, que, tal que se dun xogo se tratara, inclúe onomatopeias, caligramas, trabalinguas, palíndromos ou anáforas, como tamén dun variado acompañamento gráfico e icónico.
 
 Pablo Nogueira Campo
 
A entrega terá lugar o 15 de decembro ás 19.00 h. no Auditorio Neira Vilas, da Cidade da Cultura de Galicia, en Santiago de Compostela.
 
O Premio Arume é unha iniciativa conxunta da Fundación Neira Vilas, a empresa Deleite e GÁLIX - Asociación Galega do Libro Infantil e Xuvenil, con Edicións Embora como empresa editora dos libros premiados.

A Fundación Xosé Neira Vilas acolle o vindeiro domingo 29 de outubro ás 17 horas un encontro con Paula Carballeira, autora dunha salientable produción literaria que destaca polas súas achegas no eido teatral, pero que tamén ten
practicado a narrativa e a poesía.

O seu traballo no mundo da creación abrangue, ademais, o labor desenvolvido na interpretación teatral, a dirección escénica ou a narrativa oral. Entre os galardóns acadados, destaca o Premio Manuel María de Literatura Dramántica Infantil, que logrou en tres ocasións: con Boas noites en 2007, con O refugallo en 2013 e con Somos os monstros en 2019. No ámbito da narrativa, entre as últimas obras publicadas cómpre destacar Pan con chocolate. A merendad e Gianni (2021) e Trece avisos. Contos para ler pola noite (2022)

Paula Carballeira

A Fundación de Exposición e Congresos de A Estrada convoca a XXVIII edición do Premio Xornalístico Manuel Reimóndez Portela, que homenaxea a figura de quen fora un dos grandes impulsores da cultura e a historia locais deste concello pontevedrés, ademais de figura impulsora da Fundación Xosé Neira Vilas.

O premio, dotado con 1.000 euros está destinado ao mellor traballo ou serie de traballos en lingua galega publicados ata o 31 de setembro de 2023. Tanto os propios autoras ou autoras como os lectores poderán enviar propostas ao seguinte enderezo: Este enderezo de correo está a ser protexido dos robots de correo lixo. Precisa activar o JavaScript para velo..

O prazo remata 0 1 de novembro de 2023.

Poden consultarse as bases completas aquí: DESCARGAR PDF

O 3 de novembro, Día de Neira Vilas e Día da Lectura, remata o prazo para a recepción de orixinais que concorran a esta terceira edición do Premio Arume de Poesía para a Infancia, que organizan conxuntamente a Fundación Xosé Neira Vilas, GALIX e Deleite. O galardón conta cunha dotación de 1000 euros e será publicado por Edicións Embora. As obras candidatas, de temática libre e acaída para un publico infantil e xuvenil, terán unha extensión mínima de 350 versos e poderán conformar un só poema ou un grupo de poemas. A entrega do premio terá lugar o 15 de decembro de 2023.

logo arume

Click to listen highlighted text! Powered By GSpeech