Benvido á Web da Fundación Xosé Neira Vilas   Click to listen highlighted text! Benvido á Web da Fundación Xosé Neira Vilas Powered By GSpeech

¡Atención! Este sitio usa cookies e tecnoloxías similares.

Se non cambia a configuración do seu navegador, vostede acepta o seu uso. Saber máis

Acepto

O novelista Miguel Anxo Fernández será o primeiro convidado nesta nova xeira

A Fundación Xosé Neira Vilas retoma os Encontros Literarios en Gres coa presenza do historiador, crítico cinematográfico e novelista Miguel Anxo Fernández. O encontro terá lugar o domingo 26 de xuño ás 19.00 horas na Casa do Romano, sede da Fundación en Gres.

 

Miguel Anxo Fernadez

 

Miguel Anxo Fernández ten destacado como autor de novela negra, xénero ao que se adscriben as seis entregas que saíron á luz ata o de agora. Da primeira delas, Un nicho para Marilyn (Premio Manuel García Barros 2002), cúmprense precisamente agora vinte anos. Logo virían, Luar no inferno (2006), Tres disparos e dous friames (2008), Lume de cobiza (2011), Bícame, Frank (2013) e Un dente sen cadáver (2016). Todas elas están protagonizadas polo detective Frank Soutelo, un detective californiano de orixe galega, e todas están publicadas pola Editorial Galaxia. Para o próximo outono está prevista a saída do novo título da serie: A conxura dos sete.

Travesía unicornio, gaña esta primeira edición do galardón convocado pola Fundación Xosé  Neira Vilas en colaboracion coa Secretaría Xeral de Cultura da Xunta de Galicia. A obra premiada, que presenta un alto valor literario como unha das súas primeiras cualidades, parte dunha situación moi teatral para pór en escena unha peza que se vai desenvolvendo cara o absurdo. Cómpre salientar, á súa vez, o tratamento levado a cabo do valor da amizade, abordado con profundiade e sen dogmatismos, como tamén se pón o acento sobre a condición de xénero, a identidade ou o valor da diferenza na caracterización feita dos personaxes. Estes son algúns dos trazos máis salientables de Travesía unicornio, a xuízo dun xurado composto por Dolores Vilavedra, Pilar Sampedro e Miguel Anxo Fernán Vello, que tomou a decisión por unanimidade sobre un total de vinteún orixinais presentados ao certame.

María Canosa

Fotografía de Santiago Garrido

Ramón D. Veiga, por Parapluie, e Manuel López Rodríguez, por A flor da letra, recolleron o 17 de decembro en Santiago os galardóns do Premio Arume de Poesía para a Infancia que promoven conxuntamente a Fundación Xosé Neira Vilas, a asociación GÁLIX e a empresa Deleite. Os libros premiados nesta edición serán editados por Edicións Embora.

foto entrega premio Arume

A Editorial Galaxia acaba de reeditar tres novelas de Xosé Neira Vilas: Remuíño de sombras e Camiño bretemoso, que pasan a formar parte da Biblioteca Neira Vilas e De cando o Suso foi carteiro, que se integra na colección infantil e xuvenil da editora viguesa, Árbore.

Reeditadas tres novelas de Xosé Neira Vilas

En Camiño bretemoso, obra publicada por primeira vez en 1967, o escritor de Gres aborda un tema que coñece de primeira man, a emigración. Nesta novela, un vello emigrante fai reconto do que lle sucedeu na súa vida perante un interlocutor que non intervén, pero que permite imaxinar este monólogo como un diálogo.

Xa temos obra gañadora da VI edición do Premio Xosé Neira Vilas de Novela Curta.
 
"Off the record" de Virxilio Rodríguez Vázquez, profesor de Dereito Penal na Universidade de Vigo.
 
O xurado destacou o acerto na recreación dunha trama investigadora que transcorre na Galicia bonaerense e que ten na desaparición dun personaxe de ascendencia sefardí a cerna da súa intriga.
 
NEIRA VILAS 2
Foto do autor premiado realizada por Brais Lorenzo
 
O galardón será entregado o mércores 3 de novembro coincidindo coa conmemoración do #3novDíadeNeiraVilas #díadolector #díadalectora
 
 
 

 

Click to listen highlighted text! Powered By GSpeech