- Detalles
Presentouse o libro Co pai, un conxunto de lembranzas que o autor de Memorias dun neno labrego deixou escritas antes do seu pasamento, acontecido en 2015, nas que rememora experiencias, traballos e reflexións artelladas arredor da figura do seu pai. No acto, que tivo lugar no Auditoria Neira Vilas da Cidade da Cultura, participaron Víctor Freixanes, presidente da Real Academia Galega; Valentín García, Secretario Xeral de Política Lingüística da Xunta de Galicia; Dolores Vilavedra, autora do estudo introductorio da obra, e Fernando Redondo Neira, presidente da Fundación Xosé Neira Vilas.
- Detalles
A Fundación Xosé Neira Vilas de Gres acaba de convocar a cuarta edición do seu certame no que se premiarán obras inéditas escritas en lingua galega, destinadas a un público xuvenil co propósito de estimular a creación literaria, así como a fomentar a lectura en galego entre o público máis novo a través de obras de calidade que o acheguen aos ficticios mundos que ofrece o ámbito da novela. O concello de Vila de Cruces colabora coa Fundación Xosé Neira Vilas nesta iniciativa.
- Detalles
O conselleiro de Cultura, Educación e Ordenación Universitaria, Román Rodríguez, participou esta mañá nos actos conmemorativos do XXV aniversario da Fundación Xosé Neira Vilas, que tiveron como eixo central a posta en valor da figura do escritor de Gres.
Na súa intervención, o conselleiro Román Rodríguez subliñou a importancia desta Fundación -da que é presidente de Honra- como “faro da cultura” para toda a zona e para as moitas persoas que pasaron por ela, entre elas reputados profesionais e académicos universitarios. Así mesmo agradeceu o inmenso traballo levado a cabo polas persoas que, ademais de Neira Vilas e a súa dona Anisia Miranda, impulsaron este proxecto, como é o presidente da Fundación, Luis Reimóndez.
A xornada de confraternidade -que se alongou durante toda a mañá- contou coa actuación de diferentes artistas e intérpretes relacionados coa figura e a obra do autor de Memorias dun neno labrego.
Páxina 10 de 10