- Detalles
A Fundación Xosé Neira Vilas pón a disposición do público en xeral o Caderno de Gres, unha publicación que recolle unha homenaxe a Isaac Díaz Pardo, no centenario do seu nacemento, a testemuña encol da pegada literaria do autor de Memorias dun neno labrego en tres escritores actuais e un anaco do inédito Dietario derradeiro, do propio Neira Vilas.
Imaxe de José Ramón Moire Silva
Trátase dunha iniciativa levada a cabo ao abeiro do programa Fondo de Proxectos Culturais Xacobeo21, da Consellería de Cultura.
- Detalles
O obxectivo do certame é estimular a creación literaria, fomentar a lectura en lingua galega e proporcionar ao público infantil, xuvenil e adulto obras de calidade que o acheguen aos mundos da ficción e a imaxinación da novela.
O premio entrégase cada 3 de novembro, coincidindo co aniversario do nacemento de Xosé Neira Vilas, unha efemérede que, ademais, deu lugar a que, a partir do 2021, sexa considerado como Día do Lector e da Lectora no Calendario da Lectura
- Detalles
O Premio Arume de Poesía para a Infancia foi creado por Xosé Neira Vilas e Anisia Miranda coa finalidade de apoiar a poesía infantil e que tivo a súa primeira edición hai xa vinte anos. Retómase agora como unha iniciativa conxunta entre GÁLIX (Asociación Galega do Libro Infantil e Xuvenil), a empresa Deleite e a Fundación Xosé Neira Vilas
Foi, no seu momento, o único certame de poesía para a infancia en Galicia, feito que lle confería un brillo especial (e dúas décadas máis tarde continuaría a selo). Nel participaron escritores e escritoras consagradas, e tamén noveis.
- Detalles
O día de Reis de 1961 saiu do prelo a primeira edición dun libro no que un neno afirmaba escribir nun caderno aquilo que ía observando e aprendendo da súa experiencia vital, na Galicia rural dos anos corenta do século pasado. 60 anos despois, a Consellería de Cultura, Educación e Universidade, en colaboración coa Fundación Xosé Neira Vilas, conmemorou esta data no auditorio que leva o nome do autor de Gres na Cidade da Cultura.
- Detalles
A novela A Conxura, o universo literario de Diana Varela Puñal e a influencia de Neira Vilas na súa experiencia no mundo das letras, centraron o encontro virtual que mantivemos coa autora gañadora da quinta edición do Premio Xosé Neira Vilas de Novela Curta. Participaron o presidente da fundación, Fernando Redondo, e o membro do xurado, o crítico e investigador, Armando Requeixo.
Páxina 7 de 10