- Detalles
A novelista, poeta e editora Diana Varela Puñal resultou gañadora da quinta edición do Premio Xosé Neira Vilas de Novela Curta para nenos e adolescentes pola obra A conxura. A novela impúxose así a un total de quince orixinais que foron avaliados nesta ocasión por un xurado formado polos membros do membros do Padroado da Fundación Xosé Neira Vilas, Rosalía Morlán, Juan Andrés Fernández, e polo crítico Armando Requeixo.
- Detalles
Con motivo do Día das Escritoras, instituído pola Biblioteca Nacional, e coincidindo co undécimo cabodano de Anisia Miranda, a nosa fundación homenaxea á recordada Anisia cun feixe de vídeos que recollen anacos da súa creación literaria. Amigas e amigas da autora de Mitos e lendas de vella Grecia len poemas, contos ou fragmentos de pezas teatrais de quen tanto se ten ocupado da literatura para a nenez e a mocidade.
- Detalles
O obxectivo do certame é estimular a creación literaria, fomentar a lectura en lingua galega e proporcionar ao público infantil, xuvenil e adulto obras de calidade que o acheguen aos mundos da ficción e a imaxinación da novela.
DESCARGAR AS BASES
- Detalles
A Fundación Xosé Neira Vilas reabre a súa biblioteca e museo a partir do 19 de maio. Volvé así ao seu horario de atención ao público: de martes a sábado, de 16.00 a 20.00 h. Nesta situación de emerxencia sanitaria na que continuamos, os usuarios e usuarias deberán concertar unha cita previa, ben a través do teléfono 986 58 90 26 ou ben por medio do correo electrónico Este enderezo de correo está a ser protexido dos robots de correo lixo. Precisa activar o JavaScript para velo.. Ademais, vaise aplicar o protocolo de prevención e seguridade que rexe para todas as bibliotecas:
- Non será posible facer uso dos ordenadores ou de calquera medio informático
- Non se poderá tocar ningún obxecto (libros, estanterías, mesas, sillas....)
- Os volumes serán solicitados á responsable da biblioteca e subministrados por ela
- Devolución: traer o libro sen empaquetar e introducilo na bolsa indicada, onde permanecerán durante 14 días
No tocante ás visitas ao museo, só poderán levarse a cabo de xeito individual. Así mesmo, e ao igual que viña facéndose até o de agora, non está permitido tocar ningunha peza.
- Detalles
O cantautor Tino Baz, que ía esta en Gres o pasado 21 de marzo, mandou á Fundación Xosé Neira Vilas esta canción extraída do seu traballo "Se cantan, es ti que cantan", adicado a Rosalía de Castro.
Páxina 8 de 10