Detalles

Publicado: 08 July 2024

Os versos da mariola, poemario de Antón Cortizas inspirado nun bo feixe de xogos tradicionais, dispón xa dunha unidade didáctica á que pode accederse dende a páxina web da Embora Edicións.

Este libro, galardoado no seu día co Premio Arume de Poesía para a Infancia que promove a Fundación Xosé Neira Vilas conxuntamente con Deleite e GÁLIX, expándese agora cara esta nova proposta que permite seguir afondando nos misterios e a beleza da poesía, co foco posto na dimensión lúdica que se acada alí onde se xuntan os xogos e os versos.

Detalles

Publicado: 15 May 2024

Os dedo e o monstro, de Francisco Antonio Vidal Blanco, acaba de ser recoñecida co Premio Anisia Miranda de Teatro para a Infancia 2024, un galardón convocado anualmente pola Fundación Xosé Neira Vilas co apoio da Dirección Xeral de Cultura da Xunta de Galicia co obxectivo de lembrar e honrar a figura de Anisia Miranda.

Ler máis...

Detalles

Publicado: 14 February 2024

A Fundación Xosé Neira Vilas convoca a terceira edición do Premio Anisia Miranda de Teatro para a Infancia co apoio da Dirección Xeral de Cultura da Xunta de Galicia. Lógrase, deste xeito, atender a unha certa carencia que se viña observando no sistema literario galego no tocante a certames que impulsaran a creación de textos dramáticos para os nenos e nenas.

Os orixinais, escritos en lingua galega, terán un máximo de 30.000 caracteres e deben enviarse ao enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo., seguindo as indicacións contidas nas bases para asegurar o anonimato das propostas. O prazo para o envío remata o 15 de abril e o acto de entrega terá lugar o 25 de maio.

Ler máis...

Detalles

Publicado: 30 November 2023

Xa temos gañador do Premio Arume de Poesía para a Infancia: "Versos (a)variados", de Pablo Nogueira Campo

 

O xurado, composto por David Cortizo Conde, presidente de GALIX, Rosalía Morlán e Pilar Sampedro, en representación ambas da Fundación Xosé Neira Vilas, destacou a creatividade no uso e dominio do rexistro musical, o emprego de múltiples recursos lingüísticos e literarios, que, tal que se dun xogo se tratara, inclúe onomatopeias, caligramas, trabalinguas, palíndromos ou anáforas, como tamén dun variado acompañamento gráfico e icónico.

 

 

 

A entrega terá lugar o 15 de decembro ás 19.00 h. no Auditorio Neira Vilas, da Cidade da Cultura de Galicia, en Santiago de Compostela.

 

O Premio Arume é unha iniciativa conxunta da Fundación Neira Vilas, a empresa Deleite e GÁLIX - Asociación Galega do Libro Infantil e Xuvenil, con Edicións Embora como empresa editora dos libros premiados.