Amigos e amigas da Fundación
Facerse Amigo/a da Fundación Xosé Neira Vilas supón estar informado con regularidade das actividades que leva a cabo a nosa entidade. E supón, asimesmo, establecermos unha cooperación que faga posible un mellor espallamento da figura e a obra de Neira Vilas e de Anisia Miranda. Por iso solicitamos que se sabes dalgunha entrevista, reportaxe, artigo de divulgación ou de investigación, nolo fagas saber para tentar así de arriquecer o máis posible o noso arquivo.
Para facerte amigo/a da Fundación Xosé Neira Vilas só tes que acceder á Tenda de Neira Vilas, o Punto de encontro de Amig@s e Protector@s da Fundación. Se tes algunha dúbida podes enviarnos un correo electrónico a este enderezo: fEste enderezo de correo está a ser protexido dos robots de correo lixo. Precisa activar o JavaScript para velo.
COLABORA
Faite Amiga ou Amigo da Fundación e si fas unha doazón dun mínimo de 50 euros, agasallámoste co regalo dun libro de Xosé Neira Vilas.
NON ESPERES MÁIS, para facerte amigo/a da Fundación Xosé Neira Vilas só tes que acceder á Tenda de Neira Vilas, o Punto de encontro de Amig@s e Protector@s da Fundación
Razóns para colaborar
A Fundación Xosé Neira Vilas é unha fundación privada sen ánimo de lucro constituída en Santiago de Compostela o 27 de maio de 1993 por iniciativa do propio Xosé Neira Vilas e a súa dona Anisia Miranda.
Máis de 30 anos despois, esta institución –que non recibe financiamento público regular que asegure o seu mantemento anual nin o seu futuro– quere reafirmarse na súa independencia económica e cultural e no apoio das xentes comprometidas co país e coa súa cultura e aínda que na actualidade temos unha taxa de autofinanciamento do 75%, cómpre percorrer camiño na procura dun mellor servizo a prol da difusión do legado de Xosé Neira Vilas e de Anisia Miranda.
Por que colaborar coa Fundación Xosé Neiras Vilas?
- Para asegurar o seu presente e, sobre todo, o seu futuro
- Para seguir avanzando na mellora das súas instalacións, da súa xestión e dos seus servizos
- Para mellorar e ampliar a súa programación cultural
- Para promover e facilitar a investigación sobre Xosé Neira Vilas e Anisia Miranda
- Porque a Fundación non só coida o legado de Neiras Vilas e Anisia Miranda, xa que tamén son un referente cultural en todo o país
- Porque a Fundación é unha fonte de riqueza cultural, social e económica para Galicia e, en particular, para Vila de Cruces
- Porque hai que coidar as cousas que nos importan
Actividades principais da Fundación
- Museo Etnográfico
- Biblioteca
- Premio Arume de poesía
- Premio Anisia Miranda de teatro
- Premio Xosé Neira Vilas de novela curta
- Encontros literarios en Gres
- Revista "Caderno de Gres”
Tratamento fiscal das doazóns
As cantidades doadas ou satisfeitas ás entidades e institucións previstas na Lei 49/2002 que se destinen á realización e desenvolvemento de actividades e programas prioritarios de mecenado, terán dereito a unha dedución de:
Base da dedución, importe ata Porcentaxe da dedución
Até 150 euros 80%
Resto base de dedución 35%
O 35% no caso de persoas xurídicas.
Ademais, se nos dous períodos impositivos inmediatos anteriores realizáronse donativos, doazóns ou achegas con dereito a dedución a favor dunha mesma entidade por importe igual ou superior, en cada un deles, ao do exercicio anterior, a porcentaxe de dedución aplicable á base da dedución a favor desa mesma entidade que exceda de 150 euros será do 40 por cento.
Límite: A base da dedución destes donativos, non poderá exceder do 15 por 100 da base liquidable.
Cumprimentación: Deberá reflectir o importe das cantidades doadas na casa "G" do Anexo A.1 da declaración do seu IRPF.
Exemplo:
| Si fago unha doazón de: | 100,00€ | |
| Podo deducir no IRPF: | 80,00€ | |
| Polo tanto só me custa: | 20,00€ |
Para ter dereito a estas deducións A Fundación Xosé Neiras Vilas acreditará a efectividade da doazón mediante certificación.
Máis información na AEAT: